Vlak 1 – Groen Spoor

Vir die nuweling wat stof wil proe

• Grond- en gruispaaie
• Ligte sand en modder
• Geen tegniese hindernisse
• Geen spesiale toerusting nodig nie
• ’n Standaard 4×4 met laestrek word aanbeveel

Ideaal vir gesinne en eerste keer 4×4-avonturiers

Vlak 2 – Stofpad Avonturier

Jy’s nie meer nat agter die ore nie

• Klipperige gedeeltes
• Matige rivierkruisings
• Steil opdraandes en afdraandes
• Basiese herwinningkennis aanbeveel
• Herwinningspunte op voertuig nodig

Vir die ou wat al ’n paar spore getrap het

Vlak 3 – Bergklimmer

Nou begin dinge ernstig raak

• Tegniese klipkruip
• Diep slote en kruis-asse
• Uitdagende waterkruisings
• Volledige herwinningstoerusting noodsaaklik
• Geligte voertuig sterk aanbeveel

Vir ervare bestuurders wat nie skrik vir ’n uitdaging nie

Vlak 4 – Ekspedisie / Rooi Roete

Net vir die manne en vroue met staal in die are

• Rowwe, ongetemde terrein
• Hoë grondvryhoogte noodsaaklik
• Wenches en touwerk waarskynlik
• Volledige herwinningspakket verpligtend
• Voertuigmodifikasies nodig

Nie vir beginners nie. Hier toets jy jouself én jou masjien.